Hótel Stykkishólmur

Á Hótel Stykkishólmi eru 80 herbergi. Með baðherbergi, hárþurrku, sjónvarpi, útvarpi og síma. Glæsilegt útsýni er frá hótelinu.

Veitingarstaður hótelsins rúmar allt að 100 manns í sæti.

Þá býður hótelið upp á stærri sal fyrir ýmis konar mannfagnað, fundi, ráðstefnur og stærrri veislur.

Á hótelinu er mjög góð fundaaðstaða fyrir allt  frá tveggja manna fundum upp í 300 manna. 
Þar er að finna allan nauðsynlegan tæknibúnað  s.s. mynd- og skjávarpa, töflur, tölvutengingar, 
aðgang að sjónvarpi og myndbandstæki. Annan  tæknibúnað aðstoðar hótelið við að útvega.

Við bar hótelsins er hlýleg setustofa með sætum  fyrir allt að 25 manns.

VOR VERÐ

01.04 - 31.05. 2007

SUMAR VERÐ

01.06 -30.08 2007

HAUST VERÐ

1.09. -31.10. 2007

Stykkishólmur

Þann 1. desember 2001 vour skráðir íbúar Stykkishólms 1.293. Vegna legu sinnar varð Stykkishólmur snemma á öldum miðstöð verslunar, samgangna og opinberrar þjónustu við Breiðafjörð. Gömul hús setja sterkan svip á miðbæinn og í því elsta, Norska húsinu, er Byggðasafn Snæfellinga.

Þar eru oft sérstakar sýningar á vegum safnsins eða listamanna. Fjölmargt handverksfólk er í Stykkishólmi og má benda á Gallerí Láru við Aðalgötu þar sem kaupa má ýmsa handunna muni. Nýja kirkjan á Borginni er áberandi kennileiti af sjó og landi.

Hún er opin ferðamönnum og auk venjulegs helgihalds eru þar haldnir tónleikar a.m.k. hálfsmánaðarlega yfir sumarið.

Stykkishólmur er aðili að Green Globe verkefninu þar sem áhersla er lögð á sjálfbæra ferðaþjónustu og umhverfisverndun og hefur bærinn fengið sérstaka viðurkenningu fyrir.

Á vef Stykkishólmsbæjar má finna mikið af efni um Stykkishólm.

Símanúmer 430-2100 Fax: 430-2101 Netfang: hotelstykkisholmur@simnet.is